Özbegistanyň importy eksportdan 13,7 mlrd dollar ýokary boldy

Ýanwar–sentýabr aylarynda Özbegistanyň daşarky söwda dolanyşygy 65,4 milliard dollar bolupdyr. Bu geçen ýylyň şol döwrüne görä 3,9 milliard dollar ýa-da 6,3 göterim köpdür. Hasabat döwründe eksport görkezijisi 25,8 milliard dollara deň bolupdyr, import bolsa 39,6 milliard dollara ýetipdir.

Umumy eksport azalsa-da, altyn hasaba alynmanda, harytlaryň eksporty 31,6 göterim ösüpdir. Onuň bahasy 13,3 milliard dollar bolupdyr. Dokuz aý dowamynda Özbegistan dünýäniň 200-den gowrak ýurdy bilen söwda edipdir.

Daşarky söwda dolanyşygynda iň uly paý Hytaýyň hissesine düşüpdir — 23,2 göterim. Indiki orunlary 16 göterim bilen Russiýa, 6,5 göterim bilen Gazagystan, 3,4 göterim bilen Türkiýe we 2,4 göterim bilen Owganystan eýelänler.