Өзбекстандын импорту январь–сентябрда экспорттон 13,7 млрд долларга ашты

Январь–сентябрь айларында Өзбекстандын тышкы соода жүгүртүүсү 65,4 миллиард долларды түздү. Бул өткөн жылдын ошол эле мезгилине салыштырганда 3,9 миллиард доллар же 6,3 пайызга көп. Отчеттук мезгилде экспорттун көлөмү 25,8 миллиард долларга барабар болуп, импорт 39,6 миллиард долларга жетти.

Жалпы экспорт азайганы менен, алтынды эсепке албаганда товарлардын экспорту 31,6 пайызга өскөн. Анын наркы 13,3 миллиард долларды түзгөн. Тогуз ай ичинде Өзбекстан дүйнөнүн 200дөн ашык өлкөсү менен соода кылган.

Тышкы соода жүгүртүүсүндөгү эң чоң үлүш Кытайга туура келген — 23,2 пайыз. Кийинки орундарды Россия — 16 пайыз, Казакстан — 6,5 пайыз, Түркия — 3,4 пайыз жана Ооганстан — 2,4 пайыз ээлеген.