Өзбекстанның импорты қаңтар–қыркүйекте экспорттан 13,7 млрд долларға асты

Қаңтар–қыркүйек айларында Өзбекстанның сыртқы сауда айналымы 65,4 миллиард долларды құраған. Бұл өткен жылдың сәйкес кезеңіне қарағанда 3,9 миллиард доллар немесе 6,3 пайызға көп. Есепті кезеңде экспорт көлемі 25,8 миллиард долларға тең болып, импорт 39,6 миллиард долларға жеткен.

Жалпы экспорт азайғанымен, алтынды есепке алмағанда тауар экспорты 31,6 пайызға өскен. Оның құны 13,3 миллиард долларды құраған. Тоғыз ай ішінде Өзбекстан әлемнің 200-ден астам елімен сауда жасаған.

Сыртқы сауда айналымындағы ең үлкен үлес Қытай үлесіне тиесілі — 23,2 пайыз. Келесі орындарды Ресей — 16 пайыз, Қазақстан — 6,5 пайыз, Түркия — 3,4 пайыз және Ауғанстан — 2,4 пайыз иеленген.