Qazaxıstanda 2027-ci ildən 77 mindən çox tibb işçisinin əmək haqqı artırılacaq

Qazaxıstanda 2027-ci il yanvarın 1-dən poliklinikalarda çalışan 77 mindən çox rayon səviyyəsi tibb işçisinin əmək haqqının artırılması planlaşdırılır. Səhiyyə naziri Akmaral Alnazarova hökumətdə keçirilən brifinqdə bu barədə ətraflı məlumat verib.

Nazirliyin hesablamasına görə, bu əlavə ödənişə ildə təxminən 137 milyard tenge lazım olacaq. Alnazarova bildirib ki, əlavə ödənişin məbləği fasiləsiz iş stajından və psixoemosional yükdən asılı olacaq. Nazir rayon həkimlərinin və tibb bacılarının əmək haqqının 40 faizə qədər artabiləcəyini deyib.

Nazirliyin proqnozuna görə, uzun staja malik ümumi praktika həkiminin əmək haqqı kənd yerlərində 760 min tenge, şəhərdə isə 607 min tengeyə çata bilər. Ailə həkimləri isə gündə 40-50 nəfər qəbul edə bildiklərini və əsas maaşın çox vaxt kifayət etmədiyini bildirirlər.