Казакстанда 2027-жылдан баштап 77 миңден ашык участкалык медайымдардын маянасы өсөт

Казакстанда 2027-жылдын 1-январынан баштап поликлиникалардагы участкалык кызматтын 77 миңден ашык кызматкеринин маянасын көтөрүү пландаштырылып жатат. Саламаттык сактоо министри Акмарал Алназарова өкмөттө өткөн брифингде бул тууралуу толук маалымат берди.

Министрликтин эсебине ылайык, бул кошумча төлөмгө жылына болжол менен 137 миллиард теңге керек болот. Алназарова кошумча төлөмдүн өлчөмү үзгүлтүксүз эмгек стажына жана психоэмоционалдык жүктөмгө көз каранды болорун айтты. Министр участкалык кызмат адистеринин маянасы 40 пайызга чейин өсүшү мүмкүн экенин билдирди.

Министрликтин божомолу боюнча, чоң стажы бар жалпы практика дарыгеринин маянасы айылдарда 760 миң теңгеге, шаарда 607 миң теңгеге жетиши мүмкүн. Үй-бүлөлүк дарыгерлер бир күндө 40–50 адамды кабыл алаарын жана негизги маяна көбүнчө жетишсиз экенин айтышат.