Rossiyada yagona nafaqa olish uchun minimal daromad 2027-yildan 10 ta minimal ish haqqi boʻlishi mumkin

Rossiyada yagona nafaqa olish uchun talab etiladigan minimal daromad 2027-yil 1-yanvardan boshlab bir yilga 10 ta minimal ish haqqi miqdorida boʻlishi mumkinligi xabar qilindi. Xabarni RIA Novosti Rossiya Mehnat va ijtimoiy himoya vazirligi matbuat xizmatiga tayanib yozgan.

Yashash minimumi va unga bogʻliq barcha yordam choralari, shu jumladan bolali oilalar uchun yagona nafaqa 2027-yilda 6,8 foizga indeksatsiya qilinadi. Bu haqda vazir Anton Kotyakov avvalroq maʼlum qilgan edi.

Yangi qoida daromad topmaslik uchun obyektiv sabablari boʻlganlarga tegishli emas. Bularga homiladorlik, 3 yoshgacha bolani parvarish qilish, oilaviy sharoit, murojaat qiluvchining nogironligi, kasallik hamda bandlik markazida ishsiz sifatida roʻyxatda turish kiradi. Yagona nafaqa hududda bir boshiga oʻrtacha daromadi yashash minimumidan past boʻlgan oilalarga moʻljallangan. Hozirda nafaqa huquqini olish uchun mehnatga layoqatli har bir oila aʼzosining yillik minimal daromadi 8 ta minimal ish haqqidan kam boʻlmasligi kerak.