Ozarbayjon 2027-yilda davlat korxonalaridan 872 million manat dividend kutmoqda

Ozarbayjonning 2027-yil davlat byudjeti loyihasiga koʻra, davlat korxonalaridan 872 million manat dividend tushumi kutilmoqda. Bu 2026-yil prognozidan 272 million manat yoki 45,3%, 2025-yil haqiqiy koʻrsatkichidan 235,4 million manat yoki 37% koʻpdir. Xabarni Day.Az Trendʼga havola qilib eʼlon qildi.

Dividend tushumlarining oshishi davlat korxonalarining sof foydasini taqsimlash qoidalari va dividend siyosatining umumiy parametrlari bilan bogʻliq. Qoidalar Ozarbayjon Prezidentining 2025-yil 29-dekabrdagi farmoni bilan tasdiqlangan boʻlib, davlat nazorat paketiga ega yuridik shaxslar byudjetga dividend toʻlashi shart. 2027-yilda SOCARʼdan 434 million manat, Ozarbayjon Xalqaro bankiʼdan 175 million manat dividend kutilmoqda.

Ilk marta dividend toʻlaydigan tashkilotlardan jami 263 million manat tushishi kutilmoqda. Shu jumladan, Azersilah 71,3 million, Azerbaijan Airlines 48,8 million, Azergold 39,6 million, Azerenergy 36,5 million va Azercell Telekom 21,3 million manat. Dividend toʻlaydigan korxonalar soni 2026-yildagi 2 tadan 2027-yilda 52 taga oshishi rejalashtirilgan. Byudjet daromadi 39 milliard 254 million, xarajatlari 42 milliard 400 million manat boʻlishi prognoz qilinmoqda.