Uzbekistan Airways va toʻrt kompaniya 2027–2028 yillarda IPO ga chiqishi mumkin

Oʻzbekistonda 2027–2028 yillarda toʻrtta yirik korxona va bir bankning aktsiyalarini fond bozoriga chiqarish rejalashtirilmoqda. Iqtisodiyot va moliya vazirligining 5-noyabrda eʼlon qilishicha, bular Uzbekistan Airways, “Oʻzbekiston milliy elektr tarmoqlari”, “Oʻzbekgidroenergo”, “Oʻzbektelekom” va “Uzpromstroybank” (SQB). Tayyorgarlik xalqaro kapital bozorlari talablariga moslashish maqsadida transformatsiya va adaptatsiya jarayonini oʻz ichiga oladi.

Vazirlik Milliy investitsiya fondining birlamchi joylashtirilishi natijalarini ham umumlashtirdi. Joriy yilda fond aktsiyalarining 35,45 foizi, umumiy qiymati 692 million dollar boʻlgan ulush Londan va Toshkent fond birjalarida IPO orqali sotildi.

Xalqaro investorlar bilan ishlash ham davom etmoqda. 14-oktyabrda oʻtkazilgan Investors Day tadbirida 250dan ortiq xorijiy investor ishtirok etdi, ishtirokchilarning investitsiya portfellari umumiy qiymati 2,5 trillion dollardan oshdi. 16-oktyabrda boʻlib oʻtgan Corporate Governance Day 2026da korporativ boshqaruvni takomillashtirishning oltita ustuvor yoʻnalishi muhokama qilindi.