Qirgʻiziston narxlarni barqarorlashtirishga 36,6 mlrd soʻm ajratadi

Qirgʻizistonda 2026-2027 yillarda tovar va xizmatlar narxlari oshishini barqarorlashtirish uchun 36,6 mlrd soʻm moliyalashtirish nazarda tutilgan. Suv resurslari, qishloq xoʻjaligi va qayta ishlash sanoati vazirligi maʼlumotiga koʻra, Vazirlar Mahkamasining 18-sentyabrdagi qarori bilan tasdiqlangan reja 57 ta tadbirni oʻz ichiga oladi. Ulardan 32 tasi qishloq xoʻjaligi va qayta ishlash sohasiga tegishli boʻlib, bu yoʻnalish uchun 29,4 mlrd soʻm ajratilgan.

Tadbirlar chorvachilik va oʻsimlikchilikni rivojlantirish, mahsulotlarni saqlash va yetkazib berish, qayta ishlash sanoatini kengaytirish, ichki bozorni taʼminlash hamda narxlarni tartibga solish yoʻnalishlarini qamrab oladi. Rejaning asosiy maqsadi ichki bozorda tovarlar hajmini oshirish, ishlab chiqarish xarajatlarini kamaytirish va importga bogʻliqlikni pasaytirishdir.

Bildirilishicha, 2026-yil iyul oyida isteʼmol narxlari oʻtgan yil dekabriga nisbatan 6,7 foizga, yanvar-iyul oylarida esa oʻtgan yilning shu davriga nisbatan 10,7 foizga oshgan. Narxlar oʻsishiga tashqi bozordagi oʻzgarishlar, logistika xarajatlari, importga bogʻliqlik va ishlab chiqarishning mavsumiy xususiyatlari taʼsir koʻrsatmoqda.