Қырғызстан 2026–2027 жылдары бағаны тұрақтандыруға 36,6 млрд сом бөледі

Қырғызстанда 2026–2027 жылдары тауарлар мен қызметтер бағасының өсуін тұрақтандыруға 36,6 млрд сом қаржыландыру қарастырылған. Су ресурстары, ауыл шаруашылығы және қайта өңдеу өнеркәсібі министрлігінің мәлімдеуінше, Министрлер кабинетінің 18 қыркүйектегі қаулысымен бекітілген жоспарда 57 іс-шара бар. Олардың 32-сі ауыл шаруашылығы мен қайта өңдеу саласына қатысты, бұл бағытқа 29,4 млрд сом бөлінген.

Іс-шаралар мал шаруашылығы мен өсімдік шаруашылығын дамытуды, өнімді сақтау мен жеткізуді, қайта өңдеу өнеркәсібін кеңейтуді, ішкі нарықты қамтамасыз етуді және бағаны реттеуді қамтиды. Жоспардың негізгі мақсаты — ішкі нарықтағы тауар көлемін ұлғайту, өндіріс шығындарын азайту және импортқа тәуелділікті төмендету.

Мәлімделген деректерге сәйкес, 2026 жылдың шілдесінде тұтыну бағалары өткен жылғы желтоқсанмен салыстырғанда 6,7 пайызға, ал қаңтар–шілде айларында өткен жылдың осы кезеңімен салыстырғанда 10,7 пайызға өскен. Баға өсіміне сыртқы нарықтағы өзгерістер, логистикалық шығындар, импортқа тәуелділік және өндірістің маусымдық ерекшеліктері әсер етуде.