Yakutiyada onkologiya xizmatini rivojlantirishga 2027–2028 yillarda 923 million rubldan ortiq mablagʻ

Rossiyaning Saxa (Yakutiya) Respublikasida onkologiya xizmatining radiologik diagnostika va davolash boʻlimlaridagi tibbiy jihozlarni modernizatsiya qilish uchun 2027–2028 yillarda 923,4 million rubldan ortiq mablagʻ ajratilgan. Moliyalashtirish federal "Onkologik kasalliklarga qarshi kurash" dasturi doirasida amalga oshiriladi.

2027 yilda 72,06 million rubl, 2028 yilda esa 851,4 million rubl sarflash rejalashtirilgan. Ushbu mablagʻlarning 70,62 million rubli va 834,37 million rubli federal byudjetdan, qolgani respublika byudjetidan ajratiladi. Mablagʻlar mavjud va yangi tashkil etiladigan tibbiyot muassasalari boʻlinmalarini zamonaviy tibbiy jihoz hamda uskunalar bilan taʼminlashga yoʻnaltirilgan.

Yakutsk respublika onkologiya dispanserining bosh shifokori Tatyana Nikolayeva xizmatlar soʻnggi yillarda sezilarli darajada kengaygani haqida aytdi. Dispanser maʼlumotlariga koʻra, soʻnggi oʻn yilda kasallikni erta bosqichda aniqlash koʻrsatkichi 17,7 foizga oshgan. Oltita operatsiya xonasi ishi tufayli yillik operatsiyalar soni 2500 tadan 4500 taga yetgan.