Qozogʻistonda mobil oʻtkazmalarni tekshirish chegarasi 1 557 000 tengega oshirildi

Qozogʻistonda 10 noyabrdan boshlab mobil oʻtkazmalarni soliq tekshiruvi uchun belgilangan chegara oshiriladi. Soliq organlari tadbirkorlik belgilari bor fuqarolarning mobil oʻtkazmalarini tekshiradi. Avval uch oy ketma-ket 100 va undan ortiq shaxsdan oʻtkazma olganlar nazorat qilinardi. Umumiy summa chegarasi esa 12 ta minimal ish haqi, yaʼni oyiga 1 020 000 tenge edi.

Yangi chegara 360 oylik hisoblash koʻrsatkichi (MRP) boʻladi, bu 2026 yilda 1 557 000 tengega teng. Qazaq Expert Club moliyachisi Saida Tleulenova oʻzgarish mobil oʻtkazmalar orqali tovar va xizmat uchun toʻlovni qonuniylashtirmasligini, faqat qoidalarni yumshatishini bildirdi. Uning soʻzlariga koʻra, bu soliqdan ozod etish degani emas hamda shaxsiy kartaga toʻlov qabul qilishga ruxsat bermaydi.

Ekspert uchta misol orqali yangi mezonlarni tushuntirdi. Chegaralardan oshish avtomatik ravishda qonunbuzarlik yoki soliq degani emas, u faqat tekshiruv uchun asos boʻladi. Sotuvchilar esa faoliyatini rasmiylashtirmasdan, uch oyda 1 557 000 tengedan kam aylanmaga ega boʻlsa ham, shaxsiy kartalarga toʻlov qabul qila olmaydi.