Ozarbayjonda yanvar-sentyabr oylarida 37,5 milliard kubometr gaz qazib olindi

2026-yilning yanvar-sentyabr oylarida Ozarbayjonda 37,521 milliard kubometr tabiiy gaz qazib olindi. Bu haqda Davlat statistika qoʻmitasi saytida chop etilgan hisobotda aytilgan.

Trendning qoʻmita maʼlumotlari asosida oʻtkazgan hisob-kitoblariga koʻra, tabiiy gaz qazib olish oʻtgan yilning mos davriga nisbatan 273 million kubometr yoki 0,7 foizga kamaygan. 2025-yilning dastlabki toʻqqiz oyida mamlakatda 37,794 milliard kubometr tabiiy gaz qazib olingan. Tijorat gazi qazib olish 28,581 milliard kubometrni tashkil etib, 1,6 foizga kamaygan. Kon sanoati umumiy mahsulotining qiymati 31,1 milliard manat boʻlgan.

Energetika vazirligining maʼlumotiga koʻra, shu davrda jami 37,9 milliard kubometr gaz qazib olingan. Shundan 10,8 milliard kubometri «Azeri-Chirag-Gunashli», 20,6 milliard kubometri «Shahdeniz», 1,2 milliard kubometri «Absheron» konlari, 5,3 milliard kubometri esa SOCAR ulushiga toʻgʻri kelgan. Toʻqqiz oy davomida Ozarbayjondan 18,4 milliard kubometr gaz eksport qilingan. Shundan 8,6 milliard kubometri Yevropaga, 7 milliard kubometri Turkiyaga, jumladan 4,2 milliard kubometri TANAP orqali, 1,6 milliard kubometri Gruziyaga, 1,2 milliard kubometri esa Suriyaga yuborilgan.