Sadir Japarov Armaniston prezidenti bilan uchrashdi

Qirgʻiziston prezidenti Sadir Japarov 16-oktabr kuni Armanistonga rasmiy tashrif doirasida Yerevanda Armaniston prezidenti Vahagn Xachaturyan bilan muzokaralar oʻtkazdi. Davlat rahbari maʼmuriyatining maʼlumotiga koʻra, tomonlar iqtisodiyot, investitsiya, transport, qishloq xoʻjaligi, axborot texnologiyalari, taʼlim va turizm sohalarida hamkorlik istiqbollarini muhokama qildilar.

Axborot texnologiyalari sohasida oʻzaro aloqalarni rivojlantirish imkoniyati va sunʼiy intellekt sohasida qoʻshma korxona tashkil etish tashabbusini ishlab chiqish qayd etildi. Armaniston prezidenti Japarovga BMTning Biologik xilma-xillik toʻgʻrisidagi konventsiyasi Tomonlar 17-konferensiyasi doirasidagi Yetakchilar sammitida ishtirok etgani uchun minnatdorchilik bildirdi va ikki davlat oʻrtasidagi siyosiy munosabatlarning yuqori darajasini taʼkidladi.

Japarov bu tashrif Qirgʻiziston rahbarining Armanistonga tarixdagi birinchi rasmiy tashrifi ekanini taʼkidlab, u ikki tomonlama munosabatlarga yangi turtki berishiga ishonch bildirdi. Tomonlar, shuningdek, siyosiy muloqotni, mintaqalararo aloqalarni hamda atrof-muhitni muhofaza qilish, biologik xilma-xillik va togʻ ekotizimlarini saqlash sohasidagi hamkorlikni mustahkamlash muhimligini qayd etdilar. Uchrashuv yakunida Japarov Xachaturyanni Qirgʻistonga rasmiy tashrif bilan kelishga taklif qildi.