Qurtulmush Rim konferensiyasida Yunon kipr vakilining daʼvolariga keskin javob berdi

Turkiya Buyuk Milliy Majlisi Spikeri Numan Qurtulmush Rimda Italiya Deputatlar palatasi uy egaligida oʻtkazilgan Yevropa parlament spikerlari konferensiyasida oʻzidan keyin soʻz olgan Janubiy Kipr Rum maʼmuriyati Vakillar palatasi spikeri Annita Demetriuning Turkiyaning Kipr boʻyicha daʼvolariga keskin javob berdi.

Qurtulmush 1960-yilgi sheriklik kelishuvi asosida tuzilgan davlat 1963-yilda Gretsiyadagi xunta tarafdorlari va Enosis tarafdori kuchlar tashabbusi bilan barham topganini va bu harbiy toʻntarish boʻlganini taʼkidladi. U 1963-1974-yillar oraligʻida Turkiyaning diplomatik yoʻllar bilan yechim izlaganini aytdi, ammo Enosis tarafdori bosqinchilar tomonidan sodir etilgan genotsid va oʻnlab qishloqlardagi qirgʻinlar Turkiyani harakatga kelishga majbur qilganini bildirdi. 1974-yilda kafolatchi davlat huquqidan kelib chiqqan masʼuliyat bilan Tinchlik operatsiyasi oʻtkazilganini qayd etdi.

Qurtulmush shunday dedi: “Kiprda rumlar ham, turklar ham tarixdan beri mavjud boʻlgan ikki xalqdir. Turk tomonini inkor etib, Kiprda hech qanday yechim boʻlishi mumkin emas. Qiyomatgacha Kipr turk xalqi Kipr orolida teng fuqarolar sifatida yashashda davom etadi.”