Xristodulidis: Yevropa Ittifoqi Turkiya bilan muzokaralarni qayta boshlashni koʻrib chiqadi

Sigmalive veb-saytining xabariga koʻra, Rum maʼmuriyati rahbari Nikos Xristodulidis Brisselda bergan bayonotida Yevropa Ittifoqi bu oy ichida Turkiya bilan Kipr muammosidagi muzokaralarni qayta boshlash masalasini koʻrib chiqish uchun uchrashishini taʼkidladi.

Xristodulidis Yevropa Ittifoqining muammoga aralashuvi muzokaralar qayta boshlanishi uchun shart-sharoit yaratishga hissa qoʻshishi mumkinligi haqidagi umidini bildirdi. U Yevropa Ittifoqi va Turkiya oʻrtasida bu oy yuqori darajadagi uchrashuv oʻtkazilishi haqida xabardor qilinganini aytdi. Uchrashuvda Yevropa Ittifoqi-Turkiya munosabatlaridagi mumkin boʻlgan taraqqiyot hamda muzokaralarni qayta boshlashga qaratilgan saʼy-harakatlar muhokama qilinishi qayd etildi.

Yevropa Ittifoqi-Turkiya munosabatlaridagi taraqqiyot Kipr muammosidagi muzokaralarning qayta boshlanishi bilan bogʻliqligini taʼkidlagan Xristodulidis, siyosiy irodasi aniq ekanini bildirdi. U, shuningdek, Yevropa Ittifoqi Kipr muammosini hal qilish boʻyicha saʼy-harakatlarda yetakchi rol oʻynashi mumkinligi haqidagi fikrini takrorladi.