Qozogʻistonda maslixat saylovlari 29-noyabrda oʻtkaziladi

Qozogʻistonning Markaziy saylov komissiyasi barcha darajadagi maslixat saylovlari sanasini belgiladi. Navbatdan tashqari saylovlar 29-noyabrda oʻtkaziladi, saylovda yetti siyosiy partiya ishtirok etishga ruxsat oldi.

Komissiya raisi Nurlan Abdirov “Amanat” partiyasi saylovda qatnashmasligini aytdi. Partiya komissiyaga bu qaror haqida rasmiy xat yuborgan. Saylovda jami 228 ta maslixatga 3 447 nafar deputat besh yil muddatga saylanadi.

Nomzodlarni koʻrsatish va oʻzini-oʻzi koʻrsatish bosqichi 14-oktyabrdan 27-oktyabrgacha davom etadi, partiya roʻyxatlari va nomzodlarni roʻyxatdan oʻtkazish 1-noyabrda yakunlanadi. Saylovoldi tashviqoti shundan keyin boshlanib, 28-noyabrgacha davom etadi. Komissiya raisi oʻrinbosari Muxtar Yermanning soʻzlariga koʻra, 668 mandat 20 ta viloyat, 626 mandat 38 ta shahar va 2 153 mandat 170 ta tuman maslixatlariga tegishli.