Rubio: Tramp Rossiyaga sanksiyalarning iqtisodiy taʼsirini baholaydi

AQSh Davlat kotibi Marko Rubio, Prezident Donald Tramp Rossiyaga nisbatan sanksiya va bojxona tariflarining taʼsirini baholash uchun 60 kunlik muddatdan foydalanmoqchi ekanini aytdi. Rubio Oʻzbekistonga tashrifi oldidan jurnalistlarga bergan bayonotida Trampning Rossiyani nishonga olgan yangi sanksiyalarni toʻxtatishni nazarda tutuvchi farmonni imzolagani haqida fikr bildirdi.

Rubioning soʻzlariga koʻra, sanksiyalarni toʻxtatish boʻyicha qoidalar Rossiya bilan bir qatorda Rossiya energiya resurslarini import qiluvchi Hindiston kabi davlatlarga qoʻllanishi mumkin boʻlgan bojxona tariflarini ham oʻz ichiga oladi. Jahon energiya taklifi Eron bilan bogʻliq voqealar va Hormuz boʻğozidagi vaziyat tufayli bosim ostida ekanini taʼkidlagan Rubio, Hindiston AQSh uchun muhim ittifoqchi va hamkor ekanini aytdi.

Starlink masalasida Rubio AQSh maʼmuriyati Ukrainada internet ulanish tezligini pasaytirish boʻyicha koʻrsatma bermaganini bildirdi. Gʻarbiy Sohilda AQShlik jurnalistga hujum qilinganiga oid kadrlar uni jiddiy xavotirga solganini aytgan Rubio, Isroildan bunday hodisalarga qarshi choralar koʻrishni talab qilganini bildirdi.