Ashxobodda Turkmaniston-Hindiston biznes forumi oʻtkazildi

Ashxobodda Turkmaniston va Hindiston Respublikasi oʻrtasidagi savdo-iqtisodiy aloqalarni rivojlantirishga bagʻishlangan tadbir boʻlib oʻtdi. Tadbirni Hindistonning Turkmanistondagi elchixonasi va mamlakat Savdo-sanoat palatasi (TPPT) birgalikda tashkil etdi.

Muloqotning asosiy maqsadi ikki tomonlama savdo aylanmasini kengaytirish va investitsiya hamkorligini faollashtirish istiqbollarini muhokama qilish edi. Forumda TPPT raisi oʻrinbosari Azat Nazarov, Hindistonning Turkmanistondagi favqulodda va muxtor elchisi Bandaru Vilsonbabu, hind diasporasi vakillari hamda ommaviy axborot vositalari ishtirok etdi. Shuningdek, kon, farmatsevtika, qishloq xoʻjaligi, transport, bank va qurilish sohalaridagi hind kompaniyalarining 30 dan ortiq rahbar va yuqori lavozimli menejeri qatnashdi.

Elchi Vilsonbabu Turkmaniston bozorining hind investorlari uchun yuqori jozibadorligini taʼkidladi. Uning soʻzlariga koʻra, soʻnggi oʻn ikki yildagi keng qamrovli iqtisodiy oʻzgarishlar tufayli Hindistan yalpi ichki mahsulot oʻsishi taxminan 7,5 foizni tashkil etib, dunyoning tez oʻsayotgan iqtisodiyotlaridan biriga aylangan va yaqin istiqbolda global reytingda uchinchi oʻrinni egallashni rejalashtirmoqda. Azat Nazarov esa oʻzaro savdo hajmini oshirish va yangi qoʻshma loyihalarni amalga oshirishning ahamiyatiga eʼtibor qaratdi.