Qozogʻistonda uzoq muddatli valyuta omonatlari boʻyicha chegaraviy stavka 2,5% ga oshirildi

Qozogʻistonning Depozitlarni kafolatlash jamgʻarmasi uzoq muddatli valyuta omonatlari boʻyicha maksimal stavkani yiliga 2,5% gacha oshirdi. Oʻzgarish oktyabrdan kuchga kiradi. Ilgari bunday omonatlar uchun maksimal stavka 1% edi. Oʻzgarish faqat 12 oydan ortiq muddatli jamgʻarma omonatlariga taalluqli; boshqa omonatlar uchun cheklov 1% darajasida qoladi. Jamgʻarma valyuta omonatlari stavkalari qoidalarini liberallashtirish bosqichma-bosqich amalga oshirilishini taʼkidladi.

Jamgʻarma raisi Adil Utembayev keyingi qadam qoʻyilganini, ammo vaziyat va bozor reaksiyasini baholagan holda izchil va asta-sekin harakat qilinishini aytdi. Dollarlashuv 2015-yilda 80% dan yuqori boʻlgan, 2024-yilga kelib 25% ga, oʻtgan yili 22% ga tushgan, hozir esa 19,2% ni tashkil etadi.

Qozogʻiston Moliyachilar assotsiatsiyasining yetakchi eksperti Almat Orakbay dollar omonatlariga talab sezilarli darajada pasayganini aytdi. U, shuningdek, yil boshidan inflyatsiyaning 12,3% dan 9,3% ga tushishi tenge aktivlari daromadini taxminan 6,9% gacha oshirganini qoʻshimcha qildi.