Tokayev mamlakatning barcha qishloqlarida yongʻinga qarshi postlar ochishni topshirdi

Qozogʻiston Prezidenti Qosim-Jomart Tokayev «Auyl qutqarushylari» (Qishloq qutqaruvchilari) dasturini mamlakatning barcha hududlariga kengaytirishni topshirdi. Akordaning xabar berishicha, dastur tufayli soʻnggi ikki yilda taxminan 450 ta yongʻin oldi olindi.

Tokayevning aytishicha, soʻnggi ikki yilda taxminan 300 ta yongʻinga qarshi post qurilgan. Bu muvaffaqiyatli tajriba barcha hududlarda kengaytirilishi kerak. U, shuningdek, sanoat va konchilik korxonalarida xavfsizlikni oshirish hamda raqamli texnologiyalardan foydalanishni taʼkidladi.

Hukumatga qutqaruv xizmatlarining moddiy-texnik taʼminotini kuchaytirish topshirildi, jumladan zamonaviy texnika va shaxsiy himoya vositalari xaridi. Tokayev qutqaruvchilar dronlar va avtomatlashtirilgan tizimlar bilan ishlay olishi kerakligini taʼkidladi hamda bu sohada Malik Gabdullin nomidagi Fuqarolik muhofazasi akademiyasi asosiy rol oʻynashini aytdi. Dastur doimiy yongʻin boʻlinmalari yoʻq uzoq qishloqlarda koʻngilli yongʻin postlari tashkil etadi. Kursivning xabar berishicha, 2026-yil avgust oyida 237 ta koʻngilli post taxminan 700 ta aholi punktini himoya qilgan.