Qirgʻiziston tashqi ishlar vaziri Samarqandda Mirziyoyev bilan uchrashdi

Qirgʻiziston tashqi ishlar vaziri Jeenbek Kulubayev Samarqandda Oʻzbekiston Prezidenti Shavkat Mirziyoyev bilan uchrashdi. Qirgʻiziston Tashqi ishlar vazirligining xabar berishicha, uchrashuv Markaziy Osiyo davlatlari va AQSh ishtirokidagi «C5+1» formatidagi vazirlar uchrashuvi doirasida boʻlib oʻtdi.

Tomonlar ikki davlat hamkorligini va Mirziyoyevning 2026-yil 30-iyulda Qirgʻizistonga qilgan davlat tashrifi chogʻida erishilgan kelishuvlarning amalga oshirilishini muhokama qildi. Savdo-iqtisodiy aloqalarni kengaytirish, qoʻshma investitsiya loyihalari hamda Xitoy—Qirgʻiziston—Oʻzbekiston temir yoʻlini qurish masalalariga ham alohida eʼtibor qaratildi.

Shuningdek, Oʻzbek-Qirgʻiz taraqqiyot jamgʻarmasi faoliyati va ikki davlat hududlarining Birinchi forumiga tayyorgarlik koʻrilishi muhokama qilindi. Tomonlar ittifoqchilik munosabatlarini mustahkamlash hamda oʻzaro manfaatli hamkorlikni rivojlantirish niyatini tasdiqladi.