Rubio G20 sammitidan keyin Qozogistonga tashrif borasida qiziqish bildirdi

AQSh Davlat kotibi Marko Rubio Mayamidagi G20 sammitidan keyin qisqa muddat ichida Qozogistonga toʻlaqonli tashrif buyurishga qiziqish bildirdi. Bu masala 19-oktabrda Samarqandda Qozogʻiston tashqi ishlar vaziri Muxtar Tleuberdi bilan muzokaralarda koʻrib chiqildi. Tomonlar, shuningdek, savdoni kengaytirish va Amerika investitsiyalarini jalb qilish istiqbollarini ham muhokama qildi.

Qozogʻiston Tashqi ishlar vazirligi maʼlumotiga koʻra, uchrashuv Markaziy Osiyo-AQSh (C5+1) vazirlar yigʻilishi chetida oʻtgan. Savdo aylanmasini oshirish, qoʻshma investitsiya loyihalari va Amerika texnologiyalarini jalb etish masalalari koʻrib chiqildi. Tleuberdi ustuvor yoʻnalishlar sifatida energetika, muhim minerallar, raqamlashtirish, transport va logistikani koʻrsatdi.

Tomonlar kengaytirilgan strategik sheriklikni mustahkamlash niyatini tasdiqladi. Biroq yangi investitsiya kelishuvlari, aniq summalar va loyihalar muddatlari eʼlon qilinmadi. Rubioning tashrifi sanasi hali belgilanmagan. Shu kuni Rubio Samarqandda Qirgʻiziston tashqi ishlar vaziri Jeenbek Kulubayev bilan ham uchrashdi.