Ozarbayjonda Xoradiz–Agʻband avtomagistrali qurilishi yakunlandi, temir yoʻl ishlari davom etmoqda

Ozarbayjonda Xoradiz–Agʻband avtomagistralining qurilishi yakunlandi, Zangezur koridorining bir qismi boʻlgan temir yoʻl liniyasidagi ishlar esa davom etmoqda. Bu haqda Ozarbayjonning Raqamli rivojlanish va transport vazirligi 20 oktyabrda bayonot bilan xabar berdi. Vazirlikning qayd etishicha, Naxchivonda temir yoʻl infratuzilmasini modernizatsiya qilish boʻyicha ham choralar koʻrilmoqda.

Vazirlik Zangezur koridorini rivojlantirish Ozarbayjonning tranzit salohiyatini kengaytirish va xalqaro transport yoʻnalishlarini diversifikatsiya qilish uchun muhim ahamiyatga ega ekanini taʼkidladi. Loyiha doirasida yiliga 15 million tonnagacha yuk tashish uchun qoʻshimcha imkoniyatlar yaratilishi va mintaqaviy transport aloqalari mustahkamlanishi kutilmoqda.

Yigʻilish 2025-yil 8-avgustda Vashingtonda AQSh Prezidenti Donald Tramp, Ozarbayjon Prezidenti Ilhom Aliyev va Armaniston Bosh vaziri Nikol Pashinyan ishtirokida boʻlib oʻtdi. Unda uch rahbar Boku va Yerevan oʻrtasida tinchlikni taʼminlash hamda Ozarbayjonning asosiy hududi bilan Naxchivon Muxtor Respublikasi oʻrtasida transport aloqalarini oʻrnatish boʻyicha qoʻshma deklaratsiyani imzoladi. Loyiha “Xalqaro tinchlik va farovonlik uchun Tramp yoʻli” (TRIPP) deb nomlangan.

Xoradiz–Jabrayil–Zangilan–Agʻband avtomagistralining umumiy uzunligi 149,9 kilometr. Loyihaga 12 032 metr umumiy uzunlikdagi uchta tunnel va 28 ta koʻprik kiradi.