Qirgʻitsionda ixcham qurilish va hududlarda aholi joylashuvi rivojlantiriladi

Qirgʻiziston Prezidenti Sadir Japarov Bishkekda boʻlib oʻtgan hukumat yigʻilishida mamlakatning hududiy rejalashtirish va aholini joylashtirish tizimi oʻzgartirilishini maʼlum qildi. Prezident ustuvor yoʻnalishlar hududlarda turmush darajasini tenglashtirish hamda iqtisodiy oʻsishning asosiy harakatlantiruvchi kuchi boʻlgan yirik shaharlarni rivojlantirish ekanini taʼkidladi.

Bu siyosat doirasida Manas aholi punkti mamlakatning ikkinchi iqtisodiy markazi maqomini oladi. Shaharsozlik siyosatining asosiy yoʻriqnomasi 2050 yilgacha Qirgʻiz Respublikasida yerlardan oqilona foydalanish va hududlarni rivojlantirish konsepsiyasi boʻladi. Konsepsiya seysmik va muhandislik sharoitlari hisobga olingan holda ixcham aholi punktlariga va koʻp qavatli qurilishga oʻtishni nazarda tutadi.

Hokimiyat vakillarining fikricha, yangi yondashuv qishloq xoʻjaligi uchun qimmatli ekin maydonlari va sugʻoriladigan yerlarni saqlab qolish, suv resurslarini himoya qilish hamda respublikaning oziq-ovqat xavfsizligini taʼminlashga imkon beradi.