Qozogʻiston Shimkentda KGIR-2026 doirasida 4,8 mlrd dollarlik investitsiya kelishuvlarini imzoladi

Bosh vazir Oljas Bektenov Shimkentda oʻtkazilgan IX Qozogʻiston global investitsiya yumaloq stoli (KGIR-2026) tadbirida ishtirok etdi. Tadbirda 40 dan ortiq davlatdan 500 dan ortiq investor va biznes vakillari qatnashdi. Plenar sessiyada bosh vazir oʻtgan yili Qozogʻiston YaIMi 300 mlrd dollardan oshib, 6,5% oʻsganini hamda mustaqillik yillarida mamlakatga deyarli yarim trillion dollarlik toʻgʻridan-toʻgʻri xorijiy investitsiya jalb etilganini aytdi.

Forum doirasida umumiy qiymati 4,8 mlrd dollar boʻlgan 22 ta hujjat imzolandi. Eng yirik loyihalar: Qostanay viloyatida 1 000 MVt quvvatli shamol elektr stansiyasi qurilishi (730 mln dollar), 20 ta mintaqaviy inklyuziv maktablar tarmogʻi (1 mlrd dollar) va Quryq portining birinchi bosqich koʻp funksiyali terminali (1 mlrd dollar).

Bektenov investorlarni Ekibastuzdagi «Maʼlumot markazlari vodiysi» va Alatau City loyihalariga qoʻshilishga chaqirdi. S&P 10 yildan keyin birinchi marta Qozogʻistonning suveren reytingini barqaror prognoz bilan «BBB» darajasiga koʻtardi. Mamlakat esa Global Investment Risk and Resilience Index indeksida 17 pogʻona koʻtarilib, 53-oʻrinni egalladi.