SOFAZ aktivlari 74 milliard dollarga oshdi

Ozarbayjon Davlat neft fondi (SOFAZ) aktivlari soʻnggi besh yilda 67 foizga oshib, taxminan 44,3 milliard dollardan 74 milliard dollarga yetgan. Bu haqda Trend axborot agentligiga bergan intervyusida SOFAZ ijroiya direktorining maslahatchisi Vadim Pshenichniy maʼlum qilgan, xabarni Day.Az yetkazgan.

Uning soʻzlariga koʻra, yil boshida oltin narxining keskin oshishi portfeldagi oltin ulushini ruxsat etilgan chetga chiqish chegarasidan yuqoriga koʻtargan va shu sababli fond oltinning bir qismini sotgan. Hozirda oltin ulushi taxminan 34 foiz boʻlib, investitsiya siyosatida bu koʻrsatkich 35 foiz etib belgilangan.

Uning aytishicha, toʻqqiz oy natijalari boʻyicha aktivlarni boshqarishdan ijobiy daromadlilik olingan, birinchi yarim yillikda esa geosiyosiy voqealar, inflyatsiya kutilmalari va energiya narxlarining oshishi natijalarga taʼsir qilgan. Byudjetdan tashqari xarajatlar bevosita yoʻqotish emas, balki bozor qiymati oʻzgarishi bilan bogʻliq realizatsiya qilinmagan koʻrsatkich ekani taʼkidlangan.