Syimyk Japikeyev prezidentlikka nomzod uchun til imtihonini ikkinchi urinishda topshirdi

Qirgʻiziston moliya politsiyasining sobiq boshligʻi Syimyk Japikeyev prezident saylovida ishtirok etish uchun zarur boʻlgan davlat tili imtihonini topshirganini aytdi. Bu haqda u Kaktus.media nashriga gapirib berdi.

Japikeyev "El birimdigi" ("Xalq birligi") mavzusidagi insho uchun 63 ball olganini bildirdi. 8-oktabrda Qirgʻiztest muassasasida oʻtkazilgan birinchi imtihonda u topshiriqlarning bir qismini bajargan, ammo yozma qismni topshira olmagan. Keyinchalik u bahoning xolisligiga shubha bildirgan. 22-oktabrda u inshoni qayta topshirgan va bu safar tayyorgarlikni puxtaroq koʻrganini, mavzuning esa oʻziga yaqinroq boʻlganini aytgan.

Japikeyev nomzod sifatida koʻrsatilish uchun zarur hujjatlarni yigʻganini va saylov garovi uchun 1 mln som tayyorlaganini bildirdi. Sertifikat olingach, hujjatlarini Markaziy saylov komissiyasiga topshirishni rejalashtirmoqda. Nomzodlar davlat tilini kamida "oʻrtadan yuqori" darajada bilishi kerak. Nomzodlarni koʻrsatish 2026-yil 13-noyabrgacha davom etadi, prezident saylovi esa 2027-yil 27-yanvarga belgilangan.