Ozarbayjonda xorijiy investitsiya 18,3 % ga oshdi

Report Davlat statistika qoʻmitasiga tayanib xabar berdi: joriy yilning yanvar–sentabr oylarida Ozarbayjonda asosiy kapitalga tashqi manbalardan 3 milyard 537,2 million manat mablagʻ yoʻnaltirilgan. Bu 2025 yilning shu davriga nisbatan 18,3 % koʻp.

Hisobot davrida tashqi investitsiyalarning 3 milyard 433 million manati (97,1 %) Buyuk Britaniya, Turkiya, BAA, Rossiya, AQSh, Shveysariya, Yaponiya, Eron, Vengriya, Fransiya, Hindiston va Xitoy sarmoyadorlariga tegishli boʻlgan.

Shuningdek, yanvar–sentabr oylarida Ozarbayjonda asosiy kapitalga 14 milyard 688,6 million manat investitsiya yoʻnaltirilgan. Bu oʻtgan yilning shu davri bilan solishtirganda real ifodada 10,9 % koʻp. Soʻnggi bir yilda neft-gaz sektoriga investitsiya 30,8 % oshib 4 milyard 875,2 million manatga, neft-gaz boʻlmagan sektorga esa 3,1 % oshib 9 milyard 813,4 million manatga yetdi.