Kürşad Zorlu: Anqara sammiti Turkiy dunyoning strategik maqsadlarini birlashtiradi

Turkiya hukmron Adolat va Taraqqiyot partiyasi (AK Parti) Turkiy davlatlar bilan aloqalar qoʻmitasi raisi, deputat Kürşad Zorlu Anqarada boʻlib oʻtadigan sammit Turkiy dunyoning strategik maqsadlarini birlashtirishi va umumiy kelajak uchun yoʻl xaritasini belgilashi haqida aytdi. Zorlu 29-30 oktyabrda Anqarada oʻtkaziladigan Turkiy davlatlar tashkilotining (TDT) 13-sammiti munosabati bilan matbuot anjumanida soʻzlagan.

Zorlu 29-oktyabrda TDT Tashqi ishlar vazirlari kengashi yigʻilishi boʻlishini, 30-oktyabrda esa Turkiya prezidenti Rajab Toyyib Erdoʻgʻan homiyligida davlat rahbarlari sammiti oʻtkazilishini aytdi. Deputat Turkiy davlatlarning birgalikdagi yalpi milliy daromadi 2025-yilda taxminan 2,5 trillion AQSh dollariga yetgani, Turkiyaning TDT aʼzo va kuzatuvchi davlatlar bilan savdo aylanmasi esa 26,9 milliard dollarni tashkil etgani haqida gapirdi.

Orta koridorning iqtisodiy integratsiyadagi strategik ahamiyatini taʼkidlagan Zorlu, bu yoʻnalishda tashilgan yuk hajmi 2022-yildagi 1,7 million tonnadan 2025-yilda 4,1 million tonnaga oshganini aytdi. Sammit ishtirokchilari umumiy muzey kartasi, aeroportlarda Turkiy davlatlar fuqarolari uchun qoʻshma xizmat punktlari, futbol sohasida hamkorlikni kengaytirish hamda umumiy elektron tijorat platformasi yaratish masalalarini muhokama qilishlarini bildirdi.