Oʻzbekiston lotin alifbosi: 28 harf va toʻrtta harfning yangi shakli

2026-yil 21-oktabr kuni Oʻzbekiston Respublikasida “Lotin yozuviga asoslangan oʻzbek alifbosini joriy etish toʻgʻrisida”gi qonunga oʻzgartirish kiritish haqidagi 1184-sonli qonun qabul qilindi. Yangi alifboda 28 ta harf va 1 ta tutuq belgisi (ʼ) boʻladi. Eng koʻzga koʻringan yangilik – Oʻ oʻ → Ö ö, Gʻ gʻ → Ğ ğ, Sh sh → Ş ş va Ch ch → Ç ç harflarining yangi shaklda ifodalanishi.

Qonunning maqsadi harf birikmalari oʻrniga alohida harflarni qoʻllash, yozuv izchilligini oshirish hamda elektron muhitda matn terish, qidiruv va dasturiy vositalarni yagona standart asosida moslashtirishdir. Shuningdek, oʻzbek tilining xalqaro nufuzi va raqamli resurslarining kengayishi koʻzda tutilgan.

Qonunga koʻra, eski harflarda rasmiylashtirilgan hujjatlar amal qilishda davom etadi, milliy valyuta va qimmatli qogʻozlar muomalada qoladi. Faqat shu sabab bilan diplom va guvohnomalarni yangilash shart emas, bino va inshootlardagi yozuvlar esa darhol almashtirilmaydi. Samarqand viloyati hokimining maslahatchisi Sherali Temirov qonunning maqsadi eski hujjatlarni bekor qilish emas, balki yangi yozuvga tartibli oʻtishni taʼminlash ekanini taʼkidlaydi.