Ozarbayjon Markaziy banki diskont stavkasini 6,5 foizda saqladi

Ozarbayjon Markaziy bankining (AMB) Boshqaruvi diskont stavkasini 6,5 foiz darajasida saqlash toʻgʻrisida qaror qabul qildi. Report bu haqda AMBga tayanib xabar beradi. Maʼlumotga koʻra, foiz koridorining quyi chegarasi 5 foiz, yuqori chegarasi esa 7,5 foiz darajasida saqlangan.

Qaror qabul qilishda umumiy va asosiy inflyatsiya koʻrsatkichlari, inflyatsiya kutilmalari hamda risklar balansi dinamikasi hisobga olingan. Shu bilan birga valyuta bozoridagi jarayonlar, bank sektorining likvidlik holatidagi oʻzgarishlar hamda global pul-kredit sharoitlaridagi soʻnggi tendensiyalar baholangan, deb bildirdi AMB.

Foiz koridori parametrlari boʻyicha navbatdagi qaror haqidagi maʼlumot 23-dekabrda jamoatchilikka eʼlon qilinadi.