Erdoʻgʻan Turkiy davlatlar oʻrtasida hamkorlikni mustahkamlashga chaqirdi

Turkiya Prezidenti Rajab Toyyib Erdoʻgʻan Turkiy dunyoning umumiy salohiyatini aniq natijalarga aylantirishga va kelajak avlodlarga kuchliroq Turkiy dunyo qoldirishga chaqirdi. Turkiy davlatlar tashkilotining (TDT) 13-sammiti munosabati bilan yozgan maqolasida u birlikni mustahkamlashga daʼvat etdi. Bu haqda Turkiyaning Turkmanistondagi elchixonasi xabar berdi.

Ankarada oʻtadigan sammit «Turkiy asr: tilda, fikrda va amalda birlik» shiori ostida boʻlib oʻtadi. Erdoʻgʻanning aytishicha, sammitda siyosat, iqtisod, madaniyat va xavfsizlik sohalarida hamkorlikka alohida eʼtibor qaratiladi. Turkiya tashkilotning navbatdagi raisligini Ozarbayjondan qabul qiladi. Maqolada iqtisodiy integratsiya asosiy yoʻnalish sifatida koʻrsatilgan; Kaspiy dengizi orqali oʻtuvchi Oʻrta koridor Osiyo va Yevropa oʻrtasidagi muhim aloqa sifatida qayd etilgan. Erdoʻgʻan transport infratuzilmasini takomillashtirish, savdo toʻsiqlarini bartaraf etish va energetika sohasida hamkorlikni kengaytirishga chaqirdi.

Taʼlim va texnologiya sohasida u yagona turkiy alifbo tashabbusini qoʻllab-quvvatlash, universitetlar va olimlar oʻrtasidagi aloqalarni mustahkamlash hamda yoshlarning turkiy davlatlarda oʻqish imkoniyatlarini yaratishni taʼkidladi. Sunʼiy intellekt davrida turkiy tillarga munosib oʻrin berilishi zarurligini aytdi.