Arxeologlar Orenburg qalʼasining asosiy obyektlari qoldiqlarini topdi

Orenburg Media xabariga koʻra, Rossiya Fanlar akademiyasi Arxeologiya instituti arxeologik merosni saqlash boʻlimining ilmiy xodimi Dariya Bogachuk yodgorliklar kuchli buzilgan boʻlsa-da, olimlar oʻtgan asrlardagi mudofaa-maishiy va diniy inshootlarning konstruktiv xususiyatlarini batafsil oʻrganishga muvaffaq boʻlganini maʼlum qildi. Olingan maʼlumotlar arxiv maʼlumotlarini tasdiqlash va Orenburg fortifikatsiyasi hamda shaharsozligi tarixi haqidagi bilimlarni boyitish imkonini beradi.

Hozircha maydoni 1,2 ming kvadrat metrdan ortiq boʻlgan hudud oʻrganilgan hamda besh qism tarixiy poydevor aniqlangan. Shuningdek, XVIII asr — XX asr boshiga oid tangalar, bronza buyumlar, sopol idish qismlari va chekish trubkalari topilgan.

Tadqiqotlar Spaso-Preobrajenskiy soborini tiklash boʻyicha keng koʻlamli loyihaning birinchi bosqichi ekani qayd etilgan. Soborning poydevor toshini ilgari Moskva va butun Rusiya Patriarxi Kirill muqaddas qilgan.