Qozogʻiston Prezidenti Toqayev: Turkiy davlatlar tashkiloti harbiy ittifoqqa aylanmaydi

Qozogʻiston Prezidenti Qosim-Jomart Toqayev Turkiy davlatlar tashkiloti (TDT) sammitida tashkilot harbiy ittifoq emasligini va kelajakda ham bunday boʻlmasligi kerakligini aytdi. Toqayev bu Qozogʻistonning pozitsiyasi ekanini taʼkidladi. U, shuningdek, tashkilotning asosiy ish yoʻnalishlarini belgilashni taklif qildi. Uning soʻzlariga koʻra, hozir tashkilotda 60 ta yoʻnalish bor va ayrim funksiyalar bir-birini takrorlaydi.

Toqayev harbiy maqomga oid fikrini mayda Turkistonda boʻlib oʻtgan yuqori darajadagi uchrashuvda ham bildirganini eslatdi. U, avvalo, tashkilotning institutsional tuzilmasini mustahkamlash zarurligini taʼkidladi. Yuqori darajada imzolangan shartnomalar qoidalarini buzish mumkin emasligini aytdi, ammo qanday buzilishlar nazarda tutilganini aniqlamadi. Shuningdek, tashkilot qoshida Doimiy vakillar kengashini tuzish zarurligini yana bir bor eslatdi.

Nutqini qozoqcha maqol bilan yakunlagan Toqayev umumiy maqsadlar yoʻlida kuchlarni birlashtirishga chaqirdi. U oʻtgan yildan beri tashkilatga rahbarlik qilgan Ozarbayjonga tashkilot obroʻsini oshirishdagi beqiyos hissasi uchun minnatdorchilik bildirdi. Raislik Turkiyaga oʻtayotganini ham aytdi. Qubanichbek Omuraliyevga bosh kotib sifatidagi faoliyati uchun rahmat aytib, yangi bosh kotib Mirvohid Azimovga omad tiladi.