Gruziya va Ozarbayjon chegara delimitatsiyasi hamda demarkatsiyasini tezlashtirishga kelishdi

Gruziya va Ozarbayjon chegara delimitatsiyasi va demarkatsiyasi jarayonini tezlashtirish toʻgʻrisida kelishib olishdi. Oxu.az "Report"ga tayanib xabar berishicha, bu haqda Gruziya Bosh vaziri Irakli Kobaxidze jurnalistlarga bayonot berib aytgan.

Uning soʻzlariga koʻra, chegara delimitatsiyasi va demarkatsiyasini tezlashtirish, shuningdek, Keshikchidog (Qareci) monastiri va atrofdagi hudud bilan bogʻliq masalalar muhokama qilingan. Masala Ozarbayjon va Gruziya oʻrtasidagi Iqtisodiy hamkorlik boʻyicha Hukumatlararo komissiyaning 11-yigʻilishida hamda ikki davlat bosh vazirlarining ikki tomonlama uchrashuvida koʻrib chiqilgan.

Bosh vazir soʻnggi yillarda chegara delimitatsiyasi va demarkatsiyasi borasida hech qanday siljish boʻlmaganini taʼkidlagan. Kobaxidze kelishuvga erishilmagan taxminan 15 ta qism borligini aytib, ularning barchasi boʻyicha faol ishlash zarurligini qayd etgan. U Ozarbayjon tomoni jarayonni tezlashtirish boʻyicha murojaatga ijobiy va samimiy yondashganini ham bildirgan.