Ozarbayjonda yurak transplantatsiyasining birinchi yilligiga bagʻishlangan konferensiya

Ozarbayjonda va Janubiy Kavkazda birinchi donor yurak transplantatsiyasi amalga oshirilganining birinchi yilligi munosabati bilan “Yurak transplantatsiyasi haftaligi” doirasida konferensiya oʻtkazildi. Unda mahalliy mutaxassislar bilan birga Buyuk Britaniya, Turkiya va Belarusdan transplantatsiya sohasida ixtisoslashgan mutaxassislar ham ishtirok etdi.

Konferensiya ochilishida sogʻliqni saqlash vazirining oʻrinbosari Nodir Zeynalov tadbirning asosiy maqsadi diagnostikadan donor tanlash, jarrohlik aralashuvi va operatsiyadan keyingi kuzatuvgacha boʻlgan organ transplantatsiyasining barcha bosqichlarini muhokama qilish, natijalarni baholash hamda oldida turgan muammolarni aniqlash ekanini aytdi. Professor Kamron Musayev hozirda 50 dan ortiq bemor yurak transplantatsiyasini kutayotganini bildirdi.

Organ donorligi va transplantatsiya boʻyicha Muvofiqlashtirish markazi boshqaruv raisi Yegana Abbosova yurak va koʻz shox pardasi transplantatsiyasini majburiy tibbiy sugʻurta xizmatlariga kiritish zarurligini taʼkidladi. Milliy Majlis Sogʻliqni saqlash qoʻmitasi raisi Ehliman Amiraslanov mustaqillikka erishgandan keyin Ozarbayjon organ transplantatsiyasi sohasida bir qator yutuqlarga erishganini va yangi davlat byudjetida sogʻliqni saqlash xarajatlari oshirilganini aytdi.