Pensiyalar oktyabrın 20-də tam ödəniləcək

Əmək və Əhalinin Sosial Müdafiəsi Nazirliyinin tabeliyində olan Dövlət Sosial Müdafiə Fondu, oktyabrın 20-də respublika üzrə pensiyaların tam ödənilərək yekunlaşdırılmasını nəzərdə tutur. Day.Az xəbər verir ki, bu barədə fond məlumat yayıb.

Qeyd olunub ki, Bakı, Sumqayıt şəhərləri və Abşeron rayonu üzrə oktyabr ayının pensiyaları oktyabrın 14-də ödənilib. Naxçıvan Muxtar Respublikasında isə bu ayın pensiya ödənişi oktyabrın 7-də həyata keçirilib.

Xatırladaq ki, 2026-cı ilin yanvar-iyul aylarında 24,6 min nəfərə proaktiv qaydada yaşa, əlilliyə və ailə başçısını itirməyə görə pensiya təyinatı aparılıb. Həmin gün güzəştli şərtlərlə pensiya hüququna malik şəxslərin pensiyaları da ödəniləcək.