Yakutiyada vape satışı qadağan edildi

Rusiyanın Saxa (Yakutiya) Respublikasının Dövlət Assambleyası (Il Tumen) respublika ərazisində elektron nikotin çatdırılma sistemlərinin və onlar üçün mayelərin pərakəndə satışını qadağan edən 421-7 saylı Qanunu qəbul edib. Qərar Assambleyanın XX növbəti plenar iclasında qəbul olunub.

Qanunun əsas məqsədi azyaşlılar da daxil olmaqla əhalinin sağlamlığını qorumaqdır. Müzakirələrdə vurğulandı ki, yeniyetmələr vape istifadəçilərinin təxminən 45%-ni təşkil edir və istifadəyə başlama zirvəsi 15 yaşa təsadüf edir. Dad əlavələrinin davamlı nikotin asılılığının formalaşmasına və tənəffüs yolları xəstəliklərinin artmasına kömək etdiyi bildirildi.

Məruzəçi kimi çıxış edən parlamentin sahibkarlıq və turizm üzrə daimi komitəsinin sədri Aleksey Kornilov bildirib ki, qadağa maye əsaslı elektron nikotin sistemlərini (vape) və onlar üçün mayeləri əhatə edir. Tütün çubuqlarını qızdıran qurğular qanunun tətbiq dairəsinə düşmür. Məhdudiyyətlər 1 mart 2027-dən 1 mart 2032-yə qədər tətbiq olunacaq. Rusiya federal qanunvericiliyi regionların belə məhdudiyyətlər tətbiq etməsinə icazə verir.