2027-ci il dövlət büdcəsi layihəsi Milli Məclisdə: gəlirlər və xərclər açıqlanıb

Azərbaycan Respublikasının 2027-ci il dövlət büdcəsi haqqında qanun layihəsi Milli Məclisdədir. Layihəyə əsasən, dövlət büdcəsinin gəlirləri 39 milyard 254 milyon manat, xərcləri isə 42 milyard 400 milyon manat nəzərdə tutulur. Büdcənin 3 milyard 146 milyon manatlıq kəsiri özəlləşdirmədən və digər mənbələrdən daxilolmalar, daxili və xarici borclanma, eləcə də 2027-ci il yanvarın 1-nə vahid xəzinə hesabında mövcud olacaq sərbəst qalıq hesabına maliyyələşdiriləcək.

Gəlirlərdə ən böyük pay əlavə dəyər vergisi üzrə 9 milyard 386 milyon manat, hüquqi şəxslərin mənfəət vergisi üzrə 6 milyard 983 milyon manat və fiziki şəxslərin gəlir vergisi üzrə 3 milyard 70 milyon manat təşkil edir. Xərclərdə iqtisadi fəaliyyətə 8 milyard 907,3 milyon manat, müdafiə və milli təhlükəsizliyə 8 milyard 816,4 milyon manat, təhsilə 5 milyard 99 milyon manat, sosial müdafiə və sosial təminata 4 milyard 914 milyon manat, səhiyyəyə isə 2 milyard 84,1 milyon manat ayrılması nəzərdə tutulur.

Dövlət borcuna xidmətlə bağlı xərclərin yuxarı həddi daxili borc üzrə 772,5 milyon manat, xarici borc üzrə 1 milyard 427,5 milyon manat müəyyən edilir. Qanun layihəsinə əsasən, 2027-ci il dövlət büdcəsi haqqında qanun 2027-ci il yanvarın 1-dən qüvvəyə minəcək.