Cənubi Kipr RİK rəhbəri Pavlu Erhürman üçün “işğalçı lider” dediyini etiraf etdi

Cənubi Kipr dövlət radio və televiziya qurumu RİK-in İdarə Heyətinin sədri Pavlos Pavlu, Politis qəzetinin sualına cavab olaraq prezident Tufan Erhürman üçün “işğalçı lider” ifadəsinin işlədildiyini etiraf edib.

Pavlu bildirib ki, Erhürman “Şimali Kipr Türk Respublikasının Prezidenti” statusunda adanın şimalında keçirilən hərbi paradda “adanı işğal edən orduya” salam verməyi qəbul edib. O, “İşğalçı liderdən başqa nə demək olar ki?” sözlərini işlədib. Məsələnin sadə və aydın yanaşma ilə qiymətləndirilə bilməyəcəyini vurğulayan Pavlu, dövlət yayımçısı kimi RİK-in belə həssas məsələləri bütün parametrləri nəzərə alaraq ələ almağa borclu olduğunu deyib.

Pavlu, RİK-in yeni İdarə Heyətinin personalla əməkdaşlıq çərçivəsində “Style Book” adlandırılacaq təlimat hazırlanması prosesində olduqlarını, bu cür məsələlərin standart yanaşma çərçivəsində ələ alınmasının nəzərdə tutulduğunu bildirib.