Erhürman və Xristodulidis ara zonada ikiicmalı komitə nümayəndələri ilə görüşdü

KKTR Prezidenti Tufan Erhürman və Rum İdarəsinin lideri Nikos Xristodulidis ara zonada ikiicmalı komitələrin nümayəndələri ilə görüşdülər.

Birləşmiş Millətlər Təşkilatının (BMT) Yaxşı Niyyət Missiyası Ofisində 1 saat 10 dəqiqə davam edən ikitərəfli görüşdən sonra liderlər ardıcıl olaraq Mülki Cəmiyyətlə Məsləhətləşmə Mexanizminin İstiqamətləndirmə Komitəsi, Gənclər Texniki Komitəsi və Mədəni İrs Texniki Komitəsinin nümayəndələri ilə görüşdülər. Mədəni İrs Texniki Komitəsi ilə keçirilən görüşdə Kipr türk həmsədri Əli Tuncay və Kipr yunan həmsədri Sotos Ktoris komitənin işləri çərçivəsində bərpa edilmiş Akdoğandakı Panagia Kilsəsi və Tuzla Məscidinin fotoşəkillərinin yer aldığı çərçivəli təsvirləri liderlərə təqdim etdilər.

Liderlər təxminən 3 saat davam edən görüşdən sonra ara zonadan ayrıldılar.