Prezident İlham Əliyevin İƏT və ICESCO rəhbərləri ilə görüşləri İslam həmrəyliyinə töhfə verir

Bakı, 31 oktyabr. Prezident İlham Əliyev İslam Əməkdaşlıq Təşkilatının (İƏT) Baş katibi və İslam Dünyası Təhsil, Elm və Mədəniyyət Təşkilatının (ICESCO) Baş direktoru ilə görüşüb. Milli Məclisin deputatı Novruzəli Aslanov AZƏRTAC-a açıqlamasında bu görüşlərin Azərbaycanın İslam dünyası ilə əlaqələrinin inkişafı, müsəlman ölkələri arasında həmrəyliyin gücləndirilməsi və beynəlxalq humanitar əməkdaşlığın genişləndirilməsi baxımından mühüm olduğunu bildirib.

N.Aslanov Azərbaycanın 1991-ci ildə İƏT-ə üzv olduğunu və təşkilatın çərçivəsində fəal iştirak etdiyini qeyd edib. “İslam Həmrəyliyi İli” elan edilməsini və Bakıda IV İslam Həmrəyliyi Oyunlarının keçirilməsini nümunə göstərib. Həmçinin 2027-ci ildə Bakıda İslam Zirvə Konfransının keçirilməsinin planlaşdırıldığını və Azərbaycanın İƏT-ə sədrlik edəcəyini vurğulayıb.

Deputat Azərbaycan-ICESCO əməkdaşlığına və Heydər Əliyev Fondunun fəaliyyətinə də diqqət çəkib. Fondun dəstəklədiyi, Afrika ölkələrində qızların təhsil imkanlarının yaxşılaşdırılmasına yönəlmiş layihələri xatırladıb. Şuşanın 2024-cü il üçün İslam Dünyasının Mədəniyyət Paytaxtı elan edilməsini də əhəmiyyətli hadisə kimi qiymətləndirib.