Өзбекстанның ДСҰ-ға мүшелікке кіру процесі: қол жеткен нәтижелер және алдағы міндеттер

Ташкентте Өзбекстанның Дүниежүзілік сауда ұйымына (ДСҰ) кіру процесінің қазіргі жағдайына және кезекті басым міндеттеріне арналған баспасөз конференциясы өтті.

Онда Өзбекстанның ДСҰ-ға кіруі жөніндегі Жұмыс тобының төрағасы Сунг-Ё Чой, ДСҰ Хатшылығының жаңа елдердің қосылуы департаментінің директоры Майка Ошикава және мемлекеттік органдардың өкілдері қатысты. Іс-шарада елдің ұйымға кіруі аясында жүзеге асырылып жатқан экономикалық реформалар, келіссөздерде қол жеткен нәтижелер және алдағы міндеттер туралы толық ақпарат берілді.

Биыл Жұмыс тобының 12-ші және 13-ші отырыстары өткізілгені атап өтілді. Осы шаралар барысында мүше мемлекеттердің қойған 400-ден астам сұрағына жауап берілді және 30-дан астам тиісті құжат ұсынылды. Сонымен қатар тауарлар мен қызметтер нарығына қол жеткізу бойынша екіжақты келіссөздерде айтарлықтай нәтижелерге қол жеткізілді. Іс-шарада ДСҰ-ға мүшелік сыртқы сауда мүмкіндіктерін кеңейтетіні, инвестициялық ахуалды жақсартатыны және ұлттық экономиканың бәсекеге қабілеттілігін арттыратыны атап көрсетілді.