Әзербайжанда күнкөріс минимумы 2030 жылға дейін 359 манатқа жеткізіледі

Әзербайжанда күнкөріс минимумын 2030 жылға дейін 359 манатқа жеткізу жоспарланып отыр. Экономика министрінің орынбасары Сахиб Әлекберов Милли Меджлистің Еңбек және әлеуметтік саясат комитеті мен Экономикалық саясат, өнеркәсіп және кәсіпкерлік комитетінің бірлескен отырысында Мемлекеттік әлеуметтік қорғау қорының 2027 жылғы бюджеті туралы заң жобасы талқыланғанда осыны айтты.

Болжам бойынша, 2027–2030 жылдары елдегі күнкөріс минимумы сәйкесінше 314, 329, 344 және 359 манат болады. 2027 жылы еңбекке қабілетті халық үшін 334 манат, зейнеткерлер үшін 258 манат, балалар үшін 274 манат көзделген. 2026 жылы елде күнкөріс минимумы 300 манат деп белгіленген болатын.

Орынбасар бұл жылдың 9 айында негізгі капиталға инвестиция нақты көрсеткіште 10,9 пайызға, мұнай-газ емес секторға жеке инвестиция шамамен 21 пайызға өскенін айтты. Басым міндеттер қатарында мұнай-газ емес экспортты кеңейту, стратегиялық инвестициялық жобаларды жеделдету және көлік дәліздері бойындағы экономикалық белсенділікті қолдау бар.