Тоқаев Әзірбайжан президенті Ильхам Әлиевпен кездесті

Қазақстан Президенті Қасым-Жомарт Тоқаев Әзірбайжан Президенті Ильхам Әлиевпен кездесу өткізді. Ақорданың баспасөз қызметі мәліметінше, Тоқаев Әлиевке шақырғаны және дәстүрлі қонақжайлылығы үшін алғыс айтты. Ол Азияда өзара іс-қимыл және сенім шаралары жөніндегі кеңес (СВМДА) саммитінің жоғары деңгейде ұйымдастырылғанын атап өтіп, Әзірбайжанның ұйым төрағалығы кезіндегі елеулі үлесін де бағалады.

Басшылар аймақ үшін бірегей жоба саналатын Транскаспий талшықты-оптикалық байланыс желісін жүзеге асырудың маңыздылығын атап өтті. Мәлімдемеге сәйкес, жоба екі ел арасындағы цифрлық байланысты нығайтып, Еуропа мен Азия арасындағы цифрлық дәліздердің әртараптандырылуын қамтамасыз етеді.

Тараптар сауда-экономикалық байланыстардағы оң динамиканы атап өтіп, өзара тауар айналымын 1 млрд долларға жеткізу ниетін растады. Сондай-ақ Әзірбайжан аумағы арқылы қазақстандық энергия ресурстарын жеткізуді кеңейту және өнеркәсіп, энергетика, көлік, логистика және ауыл шаруашылығы салаларындағы бірлескен жобалар талқыланды. Тараптар қос жақты стратегиялық әріптестікті тереңдетуге адалдығын растады.