Әзірбайжанда ЖІӨ өсуі болжанды

Әзірбайжанның 2030 жылы жалпы ішкі өнімі (ЖІӨ) 169,1 миллиард манатқа жетеді деп болжанады. Day.Az хабарлағандай, мұнай-газдан тыс секторының ЖІӨ-дегі үлесі 82 пайызға өседі. Бұл туралы Қаржы министрлігінің келесі төрт жылға арналған орта мерзімді шығыстар шеңберінде жариялаған деректерінде айтылған. Болжамға сәйкес, 2027 жылдың соңына қарай ЖІӨ 141 миллиард манат, оның ішінде мұнай-газдан тыс ЖІӨ 109,1 миллиард манат болмақ.

Орта мерзімде нақты ЖІӨ-нің жылдық орташа өсуі 3,3 пайыз, мұнай-газдан тыс ЖІӨ-нікі 4,4 пайыз болады деп күтілуде. 2029 жылдан бастап Абшерон кен орны толық қуатпен іске қосылуына байланысты өндіру артады деп болжанады. Негізгі сценарий бойынша, 2027 жылы мұнайдың орташа экспорттық бағасы баррелі 65 доллар болып, 2028–2030 жылдары осы деңгейде сақталады.

Экономика министрлігінің бағалауынша, биыл 5,7 пайыз болжанған орташа инфляция біртіндеп төмендеп, 2030 жылы 4,3 пайызға түседі. Халықтың кірісі 2030 жылы 137 миллиард манатқа, шығысы 134,1 миллиард манатқа жетеді деп күтілуде. Негізгі капиталға инвестиция 2027 жылы 2,4 пайызға өседі деп болжанады.