Шимшек: қорларға қатысты заңнамалық реттеулер 2027 жылдың басына дейін аяқталады

Түркияның Қазынашылық және қаржы министрі Мехмет Шимшек коордиланған қор операцияларын қоса алғанда, капитал нарығындағы қылмыстармен күресті күшейтетін заңнамалық реттеулерді 2027 жылдың басына дейін аяқтауды жоспарлап отырғанын айтты. Әлеуметтік желідегі жазбасында ол Капитал нарығы жөніндегі кеңестің реттеулері ашықтықты арттырғанын және инвесторлардың сенімін нығайтқанын атап өтіп, тамыз айының соңында жарияланған Қор нұсқаулығына сілтеме жасады.

Шимшек қорларға шоғырлану шектеулері енгізілгенін, қарыз операцияларын ұйымдасқан нарықтарда және кепілмен жүргізу міндетті екенін еске салды. Ол қосымша қадамдар кідіртусіз жасалатынын және басты міндет проблемалы қорларды тарату мен инвесторлардың құқықтарын қорғау екенін айтты.

Сонымен қатар жаһандық индекс провайдері MSCI бұған дейін Түркия акциялар нарығындағы кейбір индекс өзгерістері екінші хабарламаға дейін тоқтатылғанын мәлімдеген болатын. MSCI қабылданған шаралардың құрылымдық жақсаруларға әкелетінін бағалау үшін қосымша уақыт қажет екенін және процесс 2027 жылдың маусымына дейін бақыланатынын айтты.