Қырғызстан мен Армения бірқатар екіжақты құжаттарға қол қойды

17 қазанда Ереванда Қырғызстан Президенті Садыр Жапаровтың Арменияға ресми сапары аясында екі ел арасындағы ынтымақтастықты нығайтуға бағытталған бірқатар екіжақты құжатқа қол қойылды.

Қол қойылған құжаттар қатарында Садыр Жапаров пен Армения Премьер-министрі Никол Пашинянның бірлескен мәлімдемесі, азаматтардың сапарлары мен жүру тәртібі туралы келісім және 2027–2029 жылдарға арналған ынтымақтастық жол картасы бар. Білім беру, ғылым, жоғары білім және инновация салаларында да келісім мен меморандумдарға қол қойылды.

Сондай-ақ Ысық-Көл мен Севан көлдерін сақтау, зейнетақымен қамтамасыз ету, жеке деректерді қорғау және әділет саласындағы ынтымақтастық, ұлттық ғылым академиялары арасындағы меморандум бойынша құжаттарға қол қойылды. Бишкек пен Ереван қалалары арасында бауырластық қатынастар орнату туралы келісім де жасалды.