Қытай Премьері Тәуелсіздік монументіне гүл шоғын қойды

Қытай Мемлекеттік кеңесінің Премьері Ли Цян елімізге ресми сапармен келіп, 17 қазанда Өзбекстан Премьер-министрі Абдулла Ариповтың ілесуімен «Янги Өзбекстон» саябағына барды. Жоғары дәрежелі қонақ Тәуелсіздік монументінің етегіне гүл шоғын қойды.

Ли Цян монумент концепциясымен танысты. Бұл көрікті кешен Отанымызға, оның бейбітсүйгіш, еңбекқор және батыр халқының құрметіне тұрғызылған. Өзбекстанның үш мың жылдық тарихын бейнелейтін композиция Қытай делегациясы мүшелерінің терең қызығушылығын оятты.

Кешеннің көркем бейнелерінде азаматтардың шығармашылық әлеуеті, ата-бабалардың бай ғылыми-ағартушылық мұрасы және мемлекеттің өркендеуін қамтамасыз етуге бағытталған күш-жігердің нәтижелері көрініс тапқан. Қытай Премьерінің ресми сапары жалғасуда.